Ógleymanlegt ævintýri á grísku eyjunum!

Við höfum í fjölda ára farið með útskriftarhópa til Hersonissos á Krít einfaldlega af því að þetta virkar!
Krít er með allt það sem þarf í góða útskriftarferð! Gott veður, góðan mat, gott djamm, og fegurð allt um kring.

Á daginn getur þú flatmagað á ströndinni, drukkið kaffi (eða eitthvað annað) við sjávarsíðuna, snorklað eða skíðað á sjónum, eða skoðað einar af þeim fjölmörgu sögufrægu fornminjum sem þar leynast.

Á kvöldin breytist Hersonissos svo í lifandi leikvöll. Strandklúbbar og barir fyllast af tónlist og dansi, þar sem þú getur fagnað útskriftinni fram á nótt.

Á svæðinu er allt morandi í afþreyingum, og bjóðum við upp á ferðir í vatnsrennibrautagarð, partýsiglingu, fjórhjólasafari og dagsferðir á hina stórfenglegu eyju Santorini.

Farið er ýmist í tengiflugi eða beinu leiguflugi, það fer allt eftir því hversu stór hópurinn er.