Skilmálar þessir gilda um allar pakkaferðir (ferðatillögur þar sem seldir eru tveir eða fleiri þjónustuþættir, t.d. flug og gisting) á vegum Ferðaland ehf. Skilmálarnir byggja á lögum um pakkaferðir og samtengda ferðatilhögun nr. 95/2018.

1. Samningsgerð og staðfesting

Samningur á milli Indígó og farþega telst bindandi þegar farþegi hefur greitt staðfestingargjald eða ferðina að fullu. Með greiðslu samþykkir farþegi þessa skilmála óbreytta. Farþegi ber fulla ábyrgð á því að nöfn í bókun séu í samræmi við vegabréf. Villur í nafngiftum geta leitt til aukakostnaðar eða ógildingar farseðla sem fellur alfarið á farþega.

2. Greiðsluskilmálar og frestir

Greiðslufrestir hjá Indígó eru háðir tegund ferðar:

2.1 Almennar pakkaferðir (áætlunarflug): Staðfestingargjald greiðist við bókun. Lokagreiðsla skal berast Indígó eigi síðar en 6–8 vikum fyrir brottför. Nákvæmur gjalddagi kemur fram á bókunarstaðfestingu.

2.2 Leiguflug (charter) og hópaferðir (10 eða fleiri): Staðfestingargjald greiðist við bókun. Vegna skuldbindinga gagnvart flugfélögum og hóteli skal lokagreiðsla berast eigi síðar en 10 vikum (70 dögum) fyrir brottför.

2.3 Vanskil: Séu greiðslufrestir ekki virtir áskilur Indígó sér rétt til að fella bókun niður án fyrirvara og halda eftir staðfestingargjaldi.

3. Verðbreytingar

Indígó áskilur sér rétt til að hækka verð ferðar sem þegar hefur verið samþykkt ef breytingar verða á:

• Flutningskostnaði (t.d. eldsneytisverði)
• Sköttum eða gjöldum sem þriðji aðili leggur á (t.d. flugvallarskattar, gistináttaskattar)
• Gengi þess gjaldmiðils sem á við um viðkomandi ferð

Ef verðhækkun fer yfir 8% af heildarverði á farþegi rétt á að hætta við og fá fulla endurgreiðslu. Engar verðbreytingar verða gerðar síðustu 20 dagana fyrir brottför.

5. Breytingar á bókun og frestun

Ef farþegi óskar eftir að breyta dagsetningu eða fresta ferð eftir staðfestingu, telst það sem afpöntun og ný bókun, nema annað sé staðfest skriflega. Indígó innheimtir breytingagjald (að lágmarki 10.000 kr. á mann) auk þess kostnaðar sem þjónustuaðilar (flugfélög/hótel) krefjast. Ekki er hægt að breyta ferð þegar minna en 8 vikur eru í brottför.

6. Aflýsingar og breytingar af hálfu Indígó

Indígó áskilur sér rétt til að aflýsa ferð ef þátttaka er ekki næg (miðað við lágmarksfjölda sem tilgreindur er í ferðalýsingu). Tilkynna skal farþega um slíkt eigi síðar en 20 dögum fyrir brottför.

Ef Indígó breytir ferð verulega fyrir brottför, á farþegi rétt á að:

• Fá fulla endurgreiðslu innan 14 daga
• Samþykkja breytinguna og fá verðmun endurgreiddan ef þjónusta er minni
• Taka þátt í annarri ferð sambærilegra gæða

7. Óviðráðanlegar aðstæður (force majeure)

Indígó ber enga skaðabótaábyrgð ef ferð raskast eða fellur niður vegna óviðráðanlegra atvika sem ekki var hægt að sjá fyrir eða afstýra (t.d. náttúruhamfarir, stríð, hryðjuverk, farsóttir, verkföll eða lokanir flugvalla). Í slíkum tilvikum gilda lög nr. 95/2018 um endurgreiðslurétt en frekari skaðabætur falla niður.

8. Ábyrgð og takmörkun skaðabóta

Indígó ber ábyrgð á að pakkaferð sé í samræmi við samning. Ef galli er á þjónustu skal farþegi tilkynna það tafarlaust á staðnum til starfsfólks eða fulltrúa Indígó. Ef ekki er bætt úr galla á staðnum getur farþegi átt rétt á afslætti eða bótum.

Skaðabótaábyrgð Indígó takmarkast við þrefalt heildarverð ferðarinnar. Indígó ber ekki ábyrgð á tjóni sem rekja má til gáleysis farþega eða þriðja aðila sem ekki tengist þjónustunni.

9. Aukaþjónusta og séróskir

Greiðslur fyrir aukaþjónustu (t.d. sætisval, auka farangur, golfpoka, sérstakt fæði) eru óendurgreiðanlegar af hálfu Indígó þegar þær hafa verið bókaðar hjá þriðja aðila. Séróskir eru aldrei tryggðar nema þær séu skriflega staðfestar af Indígó sem hluti af samningi.

10. Skyldur farþega og tryggingar

Farþegar eru ábyrgir fyrir því að:

• Vera með gild vegabréf (oft þarf 6 mánaða gildistíma eftir heimkomu)
• Hafa nauðsynlegar vegabréfsáritanir og heilbrigðisvottorð
• Mæta á réttum tíma í flug
• Fylgja reglum gististaða og flugfélaga

Indígó hvetur alla farþega til að kaupa forfalla- og ferðatryggingu. Engar endurgreiðslur eru veittar vegna veikinda farþega, slysa eða annarra persónulegra ástæðna.

11. Kvartanir og ágreiningur

Kvartanir skulu berast fulltrúa Indígó á staðnum strax. Ef kvörtun er ekki leyst skal hún berast skriflega til Indígó innan 2 mánaða frá lokum ferðar. Sé ágreiningur ekki leystur má vísa honum til Úrskurðarnefndar ferða-, þjónustu- og neytendakaupa.

12. Villur í upplýsingum og kerfi

Indígó áskilur sér rétt til að leiðrétta augljósar prent-, innsláttar- eða kerfisvillur á vefsvæði eða í gögnum. Ef verðmismunur er augljós (t.d. vegna tæknivillu) er Indígó ekki skylt að selja ferð á því verði og ber að tilkynna farþega um rétt verð eins fljótt og auðið er.

13. Tryggingarsjóður

Indígó hefur lagt fram tryggingu hjá Ferðamálastofu skv. lögum nr. 95/2018, sem tryggir hagsmuni farþega komi til gjaldþrots eða stöðvunar rekstrar.

Viðauki fyrir hópaferðir (10 manns eða fleiri)

Viðauki þessi er viðbót við almenna ferðaskilmála Indígó og gildir um hópabókanir.

1. Ábyrgð hópstjóra / tengiliðs

Hópurinn skal tilnefna einn ábyrgðarmann (hópstjóra). Hann er tengiliður Indígó og ber ábyrgð á að:

• Koma upplýsingum og skilmálum á framfæri við alla þátttakendur
• Safna saman og skila nafnalistum (skv. vegabréfum) á réttum tíma
• Sjá til þess að greiðslur berist á réttum tíma skv. gjalddögum
• Vera í forsvari fyrir hópinn gagnvart þjónustuaðilum (hótelum, flugfélögum) á meðan ferð stendur

2. Nafnalistar og frestir

Nafnalisti sem samsvarar nöfnum í vegabréfum skal berast Indígó eigi síðar en 10 vikum fyrir brottför, nema um annað sé samið skriflega.

Breytingar: Eftir að nafnalista hefur verið skilað og/eða flugmiðar útgefnir, er öll breyting háð nafnabreytingargjaldi flugfélags auk þjónustugjalds Indígó (10.000 kr. pr. breyting).

Rangt uppgefin nöfn: Ef farþegi kemst ekki í flug vegna þess að nafn í bókun stemmir ekki við vegabréf, ber Indígó enga ábyrgð á því tjóni eða aukakostnaði sem af því hlýst.

3. Verð miðað við lágmarksfjölda

Hópatilboð Indígó eru byggð á ákveðnum lágmarksfjölda þátttakenda. Ef fjöldi farþega fer niður fyrir þann lágmarksfjölda sem tilgreindur er í tilboði (t.d. vegna afbókana), áskilur Indígó sér rétt til að endurreikna verð á hvern þátttakanda sem eftir stendur eða innheimta hópadeili (t.d. kostnað vegna rútu eða fararstjóra) á færri hausa.

4. Hegðun og skaðabótaábyrgð

Hópurinn ber sameiginlega og einstaklingsbundna ábyrgð á hegðun sinni á meðan á ferð stendur.

Skemmdarverk: Ef meðlimur hópsins veldur skemmdum á gististað, farartækjum eða öðrum eigum þriðja aðila, ber viðkomandi (eða forráðamaður ef um ólögráða einstakling er að ræða) fulla skaðabótaábyrgð. Greiðsla bóta skal fara fram strax á staðnum ef þess er krafist af þjónustuaðila.

Brottvísun: Gististaðir og flugfélög eiga rétt á að vísa farþegum frá vegna óviðeigandi hegðunar, ölvunar eða hávaða. Ef farþega er vísað frá hóteli eða úr flugi, fellur réttur til endurgreiðslu niður og farþeginn ber sjálfur kostnað af heimferð eða nýrri gistingu.

Umgengni: Indígó áskilur sér rétt til að innheimta sérstakt hreinsunargjald af hópnum ef gengið er óviðeigandi um rútur eða gistirými.