Sörf & sólsetur

• Lent á Bandaranaike flugvelli
• Keyrt til Negombo
• Innritun á hótel

• Þið skiljið ströndina eftir og haldið upp hlykkjótta, þokukennda fjallavegi, fram hjá dynjandi fossum og endalausum te-ekrum á leiðinni til Nuwara Eliya.
• Hádegismatur á lókal veitingastað á degi tvö.
• Dagur þrjú er frjáls til að kanna svæðið á eigin vegum. Þar hafið þið tækifæri til að rölta um götur frá nýlendutímanum, dást að arkitektúr í Túdor-stíl og heimsækja hina frægu grasagarða.
• Kvöldunum er eytt í slökun yfir kvöldverði á hótelinu, þar sem þið njótið svala fjallaloftsins sem er skemmtileg tilbreyting frá hlýrra loftslaginu á láglendinu.

• Um morguninn ferðast þú frá Nuwara Eliya til Ella, eins fótógenískasta hálendisbæjar Sri Lanka. Nokkur stopp í leiðinni til að njóta útsýnisins.
• Meðal hápunkta er heimsókn í teverksmiðju þar sem við sjáum hvernig Ceylon-te er framleitt, ásamt hinni frægu Demodara Nine Arches brú og fallega Ravana-fossinum.
• Eftir hádegismat á alvöru srílönskum veitingastað geta spennufíklar skellt sér í Flying Ravana Adventure Park fyrir valfrjálsa sviflínuferð yfir dalinn.
• Kvöldið er frjálst og nóttin ung.

• Eftir morgunmat er haldið frá Ella og stefnan tekin suður á bóginn í átt að Yala, þar sem einn frægasta þjóðgarð Sri Lanka er að finna.
• Eftir hádegi ferðu um borð í 4x4-jeppa og haldið í spennandi safaríferð um Yala-þjóðgarðinn, sem er þekktur fyrir hlébarða, fíla, krókódíla og fjölbreytt fuglalíf. Þetta er algjör upplifun fyrir öll skilningarvit í óbyggðunum: rykugir slóðar, gullin graslendi og spennan við að koma auga á hlébarða ef heppnin er með þér.
• Snemma kvölds er haldið aftur á hótelið þar sem hægt er að slaka á í friðsælu náttúrulegu umhverfi. Kvöldverður er á eigin vegum áður en haldið er í háttinn.

• Við komuna á suðurströndina er komið sér fyrir á Parangi Bay Weligama
• Sjötti dagurinn er frjáls til að slaka á við hafið og njóta lífsins í paradísinni.
• Dagar sjö og átta eru tileinkaðir brimbrettabúðum þar sem leiðbeinendur aðstoða jafnt byrjendur sem lengra komna við að ná tökum á brimbrettunum. Á milli æfinga gefst góður tími til að slaka á á ströndinni eða hótelinu.
• Máltíðir eru meðal annars á PLAN B Weligama og The Secret Pearl Bar, en einnig gefst tækifæri til að prófa veitingastaði að eigin vali áður en haldið er aftur á hótelið.

• Eftir útskráningu af hótelinu og frjálsan morgun til að skoða sig um er er haldið í einkasiglingu á katamaran meðfram suðurströndinni.
• Farið er um borð fyrir kl. 16:00 og boðið upp á hressingu við komu. Morgunmatur, hádegismatur og kvöldverður eru bornir fram um borð meðan á siglingunni stendur.
• Þess á milli gefst góður tími til að njóta hafsins, synda, snorkla og stunda stangveiði, auk þess sem möguleiki er á að koma auga á hvali eða höfrunga.
• Siglingin býður upp á afslappaða og eftirminnilega leið til að upplifa suðurströndina frá nýju sjónarhorni áður en gist er um borð.

• Vaknað er um borð í katamaraninum og morgunverður snæddur áður en haldið er í síðustu hvalaskoðunarsiglinguna.
• Siglingunni lýkur um kl. 13:00 og þaðan er haldið til Galle-virkisins, sem er á heimsminjaskrá UNESCO.
• Að heimsókninni lokinni tekur við matreiðslunámskeið þar sem ykkur gefst tækifæri til að ná tökum á ekta srilönskum réttum. Síðan er haldið áfram til Hikkaduwa og komið sér fyrir á Hikka Tranz, þar sem gist er næstu tvær nætur.
• Dagur 11 er frjáls og tilvalinn til að njóta strandarinnar, sólarinnar og sundlaugarinnar. Hægt er að fá sér hádegismat á Amaroo Hikkaduwa eða Steffi's Mandala og heimsækja skjaldbökuklakstöð áður en haldið er aftur á hótelið fyrir kvöldmat.

• Síðasti heili dagur ferðarinnar er í höfuðborginni Colombo. Eftir aksturinn frá Hikkaduwa er komið sér fyrir á Cinnamon Lakeside Colombo og gefst tími til að hvílast og hafa sig til fyrir kvöldið.
• Haldið út um klukkan 23:00 til að upplifa líflegt næturlíf Colombo. Kvöldið verður skemmtilegur og eftirminnilegur endapunktur á ferðinni áður en haldið er heim daginn eftir.

Dagur 13 er lokadagur ferðarinnar. Eftir síðasta morgunmatinn verður þú flutt(ur) á Bandaranaike-alþjóðaflugvöllinn fyrir heimflug. Þar með lýkur 13 dögum af tehæðum, dýralífsupplifunum, brimbrettanámskeiðum, siglingum og strandaslökun. Frá þokukenndu hálendi Nuwara Eliya til gullinna stranda Hikkaduwa og líflegs næturlífs Colombo hefur ferðin spannað fjölbreytt landslag, menningu og upplifanir um allt Sri Lanka.

Gestir halda heim á leið með varanlegar minningar um landslag eyjunnar, dýralíf, menningu og hlýja gestrisni - og mjög líklega með löngun um til að snúa aftur.